2

Kaits om tõine nummer.

Kaits, kate, katte

Egäütel kaits om kätt,
egäütel kaits om jalga,
egäütel kaits om silmä,
egäütel kaits om kõrva.

Kate käege saap kalliste,
kate kõrvage saap kullete,
kate jalage saap kanda kengi,
kate silmäge saap kaia ringi.

Mõista, mõista, mes sii om!

Kaits velle katel puul mäge kakleve, kokku ei saa elädengi? (silmä)
Kaits mollikest rasva täüs? (nõna)
Kaits kaaselavvakest, tuhat toomelehekest? (raamat)

KULLE

Mütäs võtt kaits levätükki üten ja läits järve viirde kalu süütme. Järve veeren olli kaits ilust luike ja neil olli ka kaits poiga. Poja ollive viil alli. Üits poig vaades kohkuden oma kate silmäge mütas Matit. Ta pages oma kate siiväge vehkin kaugele järve pääle. Luige emä ja esä tullive kateksi oma poigi kaitsme. Ku na näive, et järve veeren olli mütäs Mati, jäive na väegä rahulikus.