Mütäs Mati sünnüpäeväle tulli katesse külälist. Edimene olli liblik Imbi. Tõine olli kärbläne Ärbi. Sis tullive tõhk Tõnu ja siil Siim. Na ollive kolmas ja nelläs. Viiendene tulli suure joosuge leeduk Juuli. Kuvves küläline olli lõoke, ken laul ossa pääl ilust sünnüpäevälaulu. Seidsmes tuleje olli tigu Tiiu. Ta olli iluse munakoogi kütseten. Koogi pääl olli seidse küinäld. Kikk uutsive katsmendet külälist, et kuuk valla lõigate. Na es jõvva temät ärä uuta. Katsmes küläline olli üükull ja temä tulli peris ildä. Kigil olli üten ka kink.